शेतीचे जमिनीचे 1880 सालापासूनचे फेरफार, सातबारा, खाते उतारे ऑनलाईन कसे पाहायचे?

By Firdos Shaikh – Digital Bano

आपल्या जमिनीसंबंधी कोणताही व्यवहार करायचा असल्यास आपल्याला त्या जमिनीचा पूर्व इतिहास माहिती असणं जरुरीचे असतं. म्हणजे त्या जमीनचे मूळ मालक कोण होता, त्यात वेळोवेळी काय फेर बदल झाले याची माहिती आपल्याला मिळते.

तसेच आम्हाला कास्ट व्हेलेडीटी, जात पडताळणी साठी जुने पुरावे ची नितांत आवश्यकता असते ज्या पुराव्या मुळे आपली कास्ट व्हेलेडीटी, जात पडताळणी आपण सहज गती ने मिळवू शकतो.

ही परिपूर्ण माहिती सातबारा(7/12), फेरफार, खाते उतारे या स्वरुपात तहसिल आणि भूमी अभिलेख कार्यालयात 1880 पूर्वी पासून नागरिकांसाठी उपलब्ध आहे तसेच ऑनलाईन हि उपलब्ध आहे.

आता महाराष्ट्र सरकारनं माहिती ऑनलाईन उपलब्ध करून देण्यास सुरुवात केली आहे. राज्यभरातल्या जवळपास सर्व जिल्ह्यांमध्ये ही सुविधा पुरवली जात आहे.

यामध्ये अहमदनगर, अकोला, अमरावती, औरंगाबाद, चंद्रपूर, धुळे, गडचिरोली, गोंदिया, जळगाव, लातूर, मुंबई उपनगर, नंदूरबार, नाशिक, पालघर, रायगड, सिंधुदुर्ग, ठाणे, वाशिम, यवतमाळ या जिल्ह्यांचा समावेश आहे व काही जिल्हे ऑनलाईन चे काम प्रगतीपथा वर आहे.

या महात्वाकंशी योजने द्वारे ई-अभिलेख या कार्यक्रमाद्वारे महाराष्ट्र सरकार जवळपास 30 कोटी पेक्षा जास्त जुने अभिलेख उतारे उपलब्ध करून देणार आहे.

जुने अभिलेख, जुन्या नोंदी कसे पाहायचे?

जुने अभिलेख पाहण्यासाठी तुम्हाला https://aapleabhilekh.mahabhumi.gov.in/erecords/

 वेबसाईट वर जावे लागेल.

e-Records (Archived Documents) या नावाचं एक वेबपेज तुम्हाला दिसेल.

प्रथम तुम्हास नवीन वापरकर्ता नोंदणी (User ID) या पर्यायावर क्लिक करायचं आहे.

नवीन फॉर्म तुमच्यासमोर ओपन होईल. यामध्ये तुम्हाला आपली वैयक्तिक माहिती भरायची आहे.

यामध्ये तुमचं नाव, मधलं नाव आणि आडनाव. त्यानंतर लिंग (Male/Female), राष्ट्रीयत्व, व मोबाईल क्रमांक भरायचा आहे.

त्यानंतर तुम्ही काय करता व्यवसाय ते भरायचे आहे, उदाहरण जसे business, service किंवा other ते सांगायचं आहे.

यानंतर मेल-आयडी आणि जन्मदिनांक भरायचा आहे.

आपली वैयक्तिक माहिती भरून झाल्यानंतर रहिवाशी पत्त्या विषयीची माहिती भरायची आहे.

यामध्ये घर क्रमांक, मजला क्रमांक, बिल्डिंग वा घराचे नाव असेल तर ते भरायचे आहे.

त्यानंतर आपल्या गावाचा Pincode क्रमांक टाकायचा आहे. पिन कोड टाकले असता जिल्हा आणि राज्याचं नाव आपोआप फॉर्मवर फेच केले जाते.

पुढे मार्गाचे नाव, गावाचं नाव आणि तालुक्याचं नाव भरायचे आहे.

ही सगळी माहिती भरून झाल्यानंतर तुम्हाला लॉग इन -आयडी आपल्या पसंतीचा तयार करायचा आहे.

उदाहरणार्थ XYX786 हा लॉग-इन आयडी टाकला, तर त्यानंतर उपलब्धता तपासा या लिंकवर क्लिक करून तो आयडी अस्तित्वात आहे की नाही, ते तपासायचे आहे.

त्यानंतर तुम्हाला तुमच्या पसंतीचा पासवर्ड टाकायचा आहे. त्यानंतर एका प्रश्नाचं उत्तर निवडायचे. ४ ते ५ प्रश्न असतात, जे सोपे असतात, त्यापैकी एकाचं उत्तर द्यायचं आहे. त्यानंतर परावलीचा शब्द (Captcha) टाईप करायचा आहे. म्हणजे इथं दिसणारे आकडे किंवा अक्षरं पुढच्या रकान्यात जशाच्या तसे लिहायचे आहेत.

सगळ्यात शेवटी सबमिट पर्यायावर क्लिक करा.

त्यानंतर वापरकर्ता नोंदणी यशस्वीपणे पूर्ण झाली, लॉगइन करण्यासाठी इथे क्लिक करा, असा पॉपअप दिसेल. यावरील इथे क्लिक करा या शब्दांवर तुम्हाला क्लिक करायचं आहे.

आता नोंदणी करताना टाकलेलं यूझरनेम आणि पासवर्ड वापरून तुम्हाला परत लॉग इन व्हावयाचे आहे.

आता आपण प्रथम फेरफार उतारा कसा पाहायचा ते पाहूया.

यासाठी सगळ्यात अगोदर तुम्हाला तुमच्या जमिनीचा जिल्हा निवडायचा आहे.

पुढे तालुका, गावाचं नाव आणि अभिलेख प्रकार निवडायचा आहे. यात अनेक पर्याया पैकी तुम्हाला कोणता उतारा हवा आहे तो निवडायचा आहे.

आता मी फेरफार उतारा निवडला आहे. जर तुम्हाला सातबारा हवा असेल तर सातबारा, आठ-अ हवा असेल तर आठ-अ पर्याय निवडायचा आहे. असे आजमितीस जवळपास 58 अभिलेखांचे प्रकार या वेबसाईटवर उपलब्ध आहेत.

त्यानंतर गट क्रमांक टाकून शोध या पर्यायावर क्लिक करायचं आहे.

त्यानंतर शोध निकाल या पेजवर तुम्ही पुरवलेल्या गट क्रमांकाशी संबंधित फेरफाराची संपूर्ण माहिती दिसते.

फेरफाराचं वर्षं आणि क्रमांक तिथं दर्शवलेला असतो. तुम्ही त्यावर क्लिक करून संबंधित वर्षाचा फेरफार पाहू शकता व डाऊनलोड हि करू शकता.

उदाहरणार्थ समजा मला 1982 या वर्षाचा फेरफार पाहायचा आहे म्हणून मी त्यासमोरील जतन ठेवा या पर्यायावर क्लिक केलं आहे.

त्यानंतर तुम्हाला पुनरावलोकन जतन या पर्यायावर क्लिक करायचं आहे.

त्यानंतर तुमचं जतन केलेले अभिलेख तुमच्यासमोर ओपन होईल. त्याखाली असलेल्या पुढे जा या पर्यायावर क्लिक केलं की डाऊनलोड सारांश नावाचं एक पेज तुमच्यासमोर ओपन होईल. त्यासमोरील फाईल पहा या पर्यायावर क्लिक केलं की तुमच्यासमोर 1982 चं तुमचे फेरफार पत्रक ओपन होईल.

या पत्रकावरील डाऊनलोड चिन्हावर तुम्ही क्लिक केलं की ते डाऊनलोड होईल.

फेरफार उतारा डाऊनलोड करण्याचा व्हिडिओ पहा

त्यानंतर 1982 सालचा फेरफार उतारा मिळवू शकता. यात जमिनीच्या अधिकार अभिलेखात काय बदल झाले, ते कधी झाले याची संपूर्ण माहिती तुम्हास पाहायला भेटेल.

याच पद्धतीनं तुम्ही सातबारा असा अभिलेखाचा प्रकार निवडला आणि आधी सांगितल्याप्रमाणे प्रकिया केली तर तुमचा जुना सातबारा उताराही इथं पाहू शकता.

धन्यवाद.......